کرماں والے مدینے ٹری جاوندے ٹھار میری وی سٹر دی توں ہک سوہنیا
جیوں جیوں گلاں سناں میں مدینے دیاں ودھدی جاوے مدینے دی سک سوہنیا
نئیں کمی کوئی تیرے خزینے دے وچہ ایہہ وی حسرت نہ رہ جائے سینے دے وچ
اوندا جاندارواں میں مدینے دے وچ عرض من لے ایہہ میری بس اک سوہنیا
اج وی ملدی اے مستی ترے جام توں اج وی وکدے نے عاشق ترے نام توں
او ہو انمول بن دے زمانے اندر جو تیرے نام توں جاندے وک سوہنیا
فرش کی عرش تے وی دہائی تیری توں خدا دا تے ساری خدائی تیری
کوئی وی نہیں جان دا جانے تیرا خدا ہے رسائی تری کتھوں تک سوہنیا
کر کرم صدقہ اپنے توں دربار دا نام لیوا ہاں میں وی تے سرکار
ہور لیناں میں کی میرا کردا اے جی ہن مدینے چہ جاواں میں ٹک سوہنیا
شوق لے کے ہاں بیٹھے تری دید دا ویکھئے چن چڑہدا کدوں عید دا
آ بنام خدا ساڈی محفل چه آنور دی چک کے چہرے توں چک سوہنیا
حسرتاں سی نیازی دے سینے دیاں اون چٹھیاں کدی تے مدینے دیاں
مینوں تیری قسم سی اوہ تیرا کرم لے گیا جو تیرے کول چھک سوہنیا
شاعر کا نام :- عبدالستار نیازی
کتاب کا نام :- کلیات نیازی