کُل دا مالک کُل دا خالق، کُل نوں رزق پچاوے
سب دا والی، سب دا داتا، سب تے کرم کماوے
سب حمداں سب صفتاں نالوں اُسدیاں اُچیاں شاناں
ہر تھاں وسدا پر نہیں پیندی اُس نوں لوڑ مکاناں
پاک منزه عظمت والا اُس نوں سب وڈیائیاں
دَر اُسدے تے نبیاں ولیاں دھوناں ہین نوائیاں
اوہ اُچا ہر اُچے نالوں ہر اعلیٰ توں اعلیٰ
ہر تگڑے توں تگڑا اوہو ہر بالا توں بالا
نال ارادے پاک اوسے دے بنیاں جو کچھ بنیاں
ناں تے کسے نے اوہنوں جنیاں ناں اُس کسے نوں جنیاں
صائم شان کی دستاں اُسدی اوہ سب شاناں والا
اُن دی شان دے اگے نکلے عقلاں دا دیوانا
شاعر کا نام :- علامہ صائم چشتی
کتاب کا نام :- کلیات صائم چشتی