مدینے سے جدائی کی گھڑی ہے

مدینے سے جدائی کی گھڑی ہے

لگی پلکوں سے ساون کی جھڑی ہے

---

ہمارے خواب عنبر زار کر دیں

ہمیں دیدار کی حسرت بڑی ہے

---

یہ پلٹے گی تو مہکائے گی گلشن

ہوا سوئے مدینہ چل پڑی ہے

---

پیامِ حاضری آ جائے کس پل

نگہ مدت سے رستے پر گڑی ہے

---

بدن اپنا اٹھا لائے ہیں لیکن

ہماری جاں مدینے میں اڑی ہے

---

کہاں میں اور کہاں شاہِ دو عالم

نظر کس اوج پر جا کر لڑی ہے

---

مدینہ ہے ابھی آنکھوں سے اوجھل

اجل اشفاق سرہانے کھڑی ہے