من موہنے نبی من ٹھار نبی، تیری ذات دیاں کیا باتاں نے
جَدوں بولے تے منہ وِچوں پُھل کِھل دے ،تیری بات دِیاں کیا باتاں نے
انوار دِیاں برسا تاں سَن، اِک دو جے نوں کہندیاں راتا ں سَن
جِس رات نُوں ٹُرکے آیا نبی، اس رات دِیاں کیا باتاں نے
وَالۡفَجۡر دے چہرے والے پیا سر سایہ غم دیاں راتاں دا
تیری نظر ہووے دن چڑھ جاوے، تیری جھات دیاں کیا باتاں نے
بڑے کرم ہوئے سرکاراں دے، کم بن گئے اَوگن ہاراں دے
معراج دی راتیں یاراں دی ملاقات دِیاں کیا باتاں نے
سرکار دے دستر خواں اتے، کھاندے نے نیؔازی جگ سارے
میرے آقا کملی والے دی، خیرات دِیاں کیا باتاں نے
شاعر کا نام :- عبدالستار نیازی
کتاب کا نام :- کلیات نیازی