نامِ مُحمد کتنا میٹھا میٹھا لگتا ہے
پیارے نبیؐ کا ذکر بھی ہم کو پیارا لگتا ہے
یادِ نبیؐ کا گلشن مہکا مہکا لگتا ہے
محفل میں موجود ہیں آقاؐ ایسا لگتا ہے
لب پر نغمے صلے علیٰ کے ہاتھوں میں کشکول
دیکھو تو سرکارؐ کا منگتا کیسا لگتا ہے
آنکھوں میں ماذاغ کا کجلا سر طحہٰ کا تاج
کیسے کہوں کملی والا ہم جیسا لگتا ہے
غوث قطب ابدال قلندر سب اُن کے محتاج
میرا داتا ہرداتا کا، داتا لگتا ہے
او ادنی کی سیج سجی ہے عرش بریں پر آج
حق کا دلارا باندھ کے سہرا دولہا لگتا ہے
آؤ سنائیں اپنے نبی کو اپنے غم کی بات
ان کے علاوہ کون نیازی اپنا لگتا ہے
شاعر کا نام :- عبدالستار نیازی
کتاب کا نام :- کلیات نیازی