پاک محمد کرم کما مینوں سدلَے روضے تے
کر دا ہاں دن رات دعاواں
میں تیرے در تے آواں جندڑی گھول گھماواں
ہتھ تیرے وچ سب تقدیراں میریاں معاف کرو تقصیراں
نام دے صدقے بخش خطا مینوں سد لَے روضے تے
کر دا ہاں دن رات دعاواں
میں تیرے در تے آواں جندڑی گھول گھماواں
رحمت عالم لَقب ہے تیرا بیڑا سوہنیا تار دے میرا
روضے دا دیدار کرا مینوں سد لَے روضے تے
کر دا ہاں دن رات دعاواں
میں تیرے در تے آواں جندڑی گھول گھماواں
شہر تیرے دیاں سرد ہواواں ، دُور مدینیوں میں کُرلاواں
ہن ناں بُہتا چِر ترسا مینوں سد لَے روضے تے
کر دا ہاں دن رات دعاواں
میں تیرے در تے آواں جندڑی گھول گھماواں
بیشک میں بدکار ہاں سخیا ، بیشک او گنہار ہاں سخیا
توں ہیں رحمت دا دریا مینوں سد لَے روضے تے
کر دا ہاں دن رات دعاواں
میں تیرے در تے آواں جندڑی گھول گھماواں
میں کُر لاندا مَر چلیا ہاں ترلے پاندا مَر چلیا ہاں
صائم دی تقدیر جگا مینوں سد لے روضے تے
کر دا ہاں دن رات دعاواں
میں تیرے در تے آواں جندڑی گھول گھماواں
شاعر کا نام :- علامہ صائم چشتی
کتاب کا نام :- کلیات صائم چشتی