رتبہ ایہ کیڈا بی بی آمنہؓ دے لال دا
رب میرے سوہنے دی نہ کوئی گل ٹال دا
کیہڑا میرے آقا وانگوں رب دے قریب اے
اوسے دا نصیب اے کہ رب دا حبیب اے
ہور کوئی ہویا اے نہ ہونا اہدے نال دا
حسن دی غلامی کرے عشق اوہدا پانی بھرے
چیرے سینہ چن وے جے انگلی اشارہ کرے
جیہڑا اوہنوں ویخے پھرے دل نوں سنبھال دا
ایسا حسن دتا اوہنوں دنیا دے والی نیں
سوہنیاں توں سوہنے اوہدے در دے سوالی نیں
کوئی حد بناں نیوں اوس دے جمال دا
گلاں میں کیہ دساں اوس عربی نگینے دیاں
اکھاں نال جا کے ویخو گلیاں مدینے دیاں
ایسا روضہ ویخیا نہ کسے لج پال دا
اسیں کیہ ظہوریؔ نالے ساڈا کیہ بیان اے
ساریاں توں وڈا نعت خوان تے قرآن اے
سورتاں سپارے رنگ نبیؐ دے جمال دا
شاعر کا نام :- محمد علی ظہوری
کتاب کا نام :- صفتاں سوہنے دیاں