اس کو کیا واسطہ مدینے سے

اس کو کیا واسطہ مدینے سے

دل نہ جس کا جُڑا مدینے سے

---

آگئے لے کے دینِ حق سرور

کفر رخصت ہوا مدینے سے

---

ہے یہ اعجازِ آمدِ سرور

دور ہے ہر بلا مدینے سے

---

میں غلامِ شہِ مدینہ ہوں

ہے مرا سلسلہ مدینے سے

---

مسکنِ مصطفیٰؐ ہوا طیبہ

نامِ آقاؐ جڑا مدینے سے

---

یوں کئی شہر ہیں حسیں لیکن

کیا تقابل بھلا مدینے سے

---

ہے وہ خوش بخت جو درِ سرور

دیکھ کر آگیا مدینے سے

---

سارے عالم پہ جھوم کر برسا

ابر حق جب اٹھا مدینے سے

---

ہم کہیں سے پڑھیں درود احسؔن

سنتے ہیں مصطفیٰؐ مدینے سے