وہ مہرباں ہوا کبھی نا مہرباں نہیں

وہ مہرباں ہوا کبھی نا مہرباں نہیں

صحن چمن پہ سایہ دست خزاں نہیں

---

کیف و سرور میں ہے ہر اک شے ڈھلی ہوئی

ان کا کرم بتاؤ کہاں ہے کہاں نہیں

---

کون و مکاں کی منزلیں یکساں تیرے لئے

تیری زمین نہیں کہ ترا آسمان نہیں

---

اُن کی نوازشیں ہیں یہ ان کی عنائتیں

میں محو گفتگو ہوں کوئی درمیاں نہیں

---

لو آگئے وہ بن کے میرے غم کا آسرا

الحمد میرا گریہ غم رائیگاں نہیں

---

اللہ رے یہ عظمت و رفعت تمہارے بعد

گذرا ہسوئے عرش کوئی میہماں نہیں

---

تیرے ہی دم سے دونوں جہاں کی ہیں رونقیں

تو ہے تو یہ جہاں ہے وگر نہ جہاں نہیں

---

بنده نواز مجھ پہ بھی بندہ نوازیاں

اے آقا کیا نیازی ترا مدح خواں نہیں