نہ کیوں دل جگر ہوں رہین ِ مدینہ

نہ کیوں دل جگر ہوں رہین ِ مدینہ

فلک ہے فلک ہے زمینِ مدینہ

---

دو عالم نہ کیوں اپنے سر کو جُھکائے

دوعالم ہے زیرِ نگین ِ مدینہ

---

تری عظمتوں پر زمانہ تصدق

میں قربان تجھ پر مکینِ مدینہ

---

ہماری بھی نظروں کو سیراب کردے

ادھر بھی کرم مہ جبینِ مدینہ

---

ستارے تو کیا چاند کو شرم آئے

اگر دیکھ لے وہ حسینِ مدینہ

---

جو قسمت سے پاؤں وہاں تک رسائی

تو پلکوں سے جھاڑوں زمین ِ مدینہ

---

تجھی میں مزہ ہے تجھی میں تڑپ ہے

نہ جا اے غمِ دل نشینِ مدینہ

---

اگر کوئی پوچھے تو یہ صاف کہہ دوں

مرادیں ہے بہزؔاد دینِ مدینہ