اوہ پہلا محمدؐ دا ثنا خوان میں قربان
میرے تے بڑا اوس دا احسان میں قربان
توقیر ثنا خوان دی ہے اوس دا صدقہ
محسن ہے مرا حضرت حسانؓ میں قربان
منبر تے کھڑا نعت پڑھے اوس نبی دی
جبریلؑ جہدے در دا اے دربان میں قربان
بے مثل ملی داد کہ فرمایا نبی نے
ماں باپ مرے تیرے توں قربان میں قربان
اصحابیؓ تے فر شاعر دربار رسالت
دل میرا، مرا چین، مری جان، میں قربان
توصیف محمدؐ دی ظہوریؔ دا وظیفہ
ایخو اے مرا دین تے ایمان میں قربان
شاعر کا نام :- محمد علی ظہوری
کتاب کا نام :- صفتاں سوہنے دیاں