اج آمد ہے اس سوہنے دی جو دو جگ نالوں سوہنا ایں

اج آمد ہے اس سوہنے دی جو دو جگ نالوں سوہنا ایں

جدھے ورگا نہ کوئی ہویا اے، جدھے ورگا نہ کوئی ہونا ایں

---

جس ونڈنے دُکھ دکھیاراں دے جس پُچھنے حال بیماراں دے

جس جا جا کے وچ غاراں دے امت دی خاطر رونا ایں

---

جس دے قدماں نوں عرشاں دی چوکھٹ نے سر تے رکھیا اے

اس وچ بازار مدینے دے سر بھار غماں دا ڈھونا ایں

---

جد پیش نہ کوئی جاوے گی، خلقت ساری کُرلاوے گی

واری محبوب دی آوے گی جس سر تے آن کھلونا ایں

---

اس ناں دا صدقہ کھاندے نیں فیر اپنے نال ملاندے نیں

جدھے ہنجواں پاکاں محشر وِچ بدیاں دا دفتر دھونا ایں

---

جو مل گئے پاک محمدؐ نوں اوہناں نوں ظہوریؔ مل لیّے

جہڑا اج نہ ملیا سوہنے نوں اوہدا حشر نوں میل نہ ہونا ایں