ہر شے خدا نے بنائی اے سوہنے مدنی دے واسطے
دو عالم دی کھیڈ رچائی مِٹّھے مدنی دے واسطے
ہر اِک جَا تے قدم نبی دا لَوح کُرسی نال قلم نبی دا
جنّت وی رَب نے سجائی سوہنے مدنی دے واسطے
رَب فرمایا مُوسیٰ تائیں تَینوں دید کرونی ناہیں
ایہہ دید بس میں رُکائی اے سوہنے مدنی دے واسطے
حکم اوہناں دے ہر تھاں چلدے اج وی اوہناں دے دیوے بلدے
ہر شے جنہاں نے لٹائی اے سوہنے مدنی دے واسطے
دن محشر د جَد اَونا حاؔکم ایہو رب فرماؤناں
دیواں گا سب نُوں رہائی اے سوہنے مدنی دے واسطے
شاعر کا نام :- احمد علی حاکم
کتاب کا نام :- کلامِ حاکم