حاضر ہے درِ دولت پہ گدا سرکارؐ توجّہ فرمائیں

حاضر ہے درِ دولت پہ گدا سرکارؐ توجّہ فرمائیں

محتاجِ نظر ہے حال مرا سرکارؐ توجّہ فرمائیں

---

مَیں کر کے ستم اپنی جاں پر ، جاَءُوْکَ لبِ حق سے سُن کر

آیا ہوں بہت شرمندہ سا سرکارؐ توجّہ فرمائیں

---

میں کب آنے کے قابل تھا ، رحمت نے یہاں تک پہنچا یا

سرکارؐ پہ تن من جان فدا سرکارؐ توجّہ فرمائیں

---

آنسو آنسو ہے فریادی اور عرضِ کرم ہچکی ہچکی

دھڑکن دھڑکن دیتی ہے صدا سرکارؐ توجّہ فرمائیں

---

اِک میں ہی نہیں پوری امّت، ساری دنیا ، ساری خلقت

تکتی ہے رستہ رحمت کا سرکارؐ توجّہ فرمائیں