ہُن اتھرو نہیں اکھیاں نے ٹھلنے مدینے دا خیال آگیا
تُحفے اشکاں دے سجناں نوں گھلنے مدینے دا خیال آگیا
میں بے وس تے لمیاں راہواں ، روندیاں نے مجبور نگاہواں
آرے غم دے جگر اُتے چلنے مدینے دا خیال آگیا
دل وچ بلدیاں غم دیاں بھائیں دور وسیندا سِر دا سائیں
پَینے دُکھ نے نَویں ہُن جَھلنے مدینے دا خیال آگیا
بے درداں نوں کاہدیاں ساراں غم وچ جو جو پَیندیاں ماراں
ہتھیں زخم پَینے ہُن سلنے مدینے دا خیال آگیا
مرضاں ہُندیاں دُون سوائیاں شالا پیش نہ پین جُدائیاں
سب راہ درداں نے ملنے مدینے دا خیال آگیا
صائم روندیاں تُوں مر جاناں خبرے یار نے کد بلوانا
سدے کد سجناں نے گھلنے مدینے دا خیال آگیا
شاعر کا نام :- علامہ صائم چشتی
کتاب کا نام :- کلیات صائم چشتی