جس نے سرکارِ دوعالم کا زمانہ دیکھا

جس نے سرکارِ دوعالم کا زمانہ دیکھا

اس کی آنکھوں نے کوئی ان کے سوا نہ دیکھا

---

جس کا سرکار کے دربار پہ جانا دیکھا

اس کے دامن میں تو رحمت کا خزانہ دیکھا

---

خُلق سرکار کا ہے سب سے بلند اور عظیم

برلبِ دشمنِ جاں بھی یہ ترانہ دیکھا

---

دین کی شمع جلائے جو لہو سے اپنے

پنجتن کا ہی فقط ایسا گھرانہ دیکھا

---

شہر تو اور بھی دیکھے ہیں جہاںمیں آصف

شہر، طیبہ سا بھی کیا تم نے سہانا دیکھا؟