جِتھوں جگ رُشنائی لیندا اے جتھے فجر تمام نہ ہوندی اے
چلو چلئے یار مدینے نوں اوتھے کدی وی شام نہ ہوندی اے
کر عمل حضورؐ دے حکماں تے جھک جا سرکار دے قدماں تے
کس کم اوہ گولی آقا دی جہڑی دلوں غلام نہ ہوندی اے
جنہاں تن من واریاں سوہنے توں مر کے وی سدا اوہ زندہ نیں
اوہ جان سدا بے جان رہوے جہڑی یار دے نام نہ ہوندی اے
مل اوس دا کِتے نہ کوئی اے جنہوں یار دے گھر نہ ڈھوئی اے
بھانویں شکل وی سوہنی ہوندی اے بھانویں عقل وی خام نہ ہوندی اے
گستاخ جہڑے محبوباں دے اونہاں توں کنارا چنگا اے
ایسے بندے نال ساڈی تے کدی دعا سلام نہ ہوندی اے
جدوں دنیا والے سوں جاندے اودوں اللہ والے جاگدے نیں
بندگی ایہہ ظہوریؔ ایسی اے جہڑی برسرِ عام نہ ہوندی اے
شاعر کا نام :- محمد علی ظہوری
کتاب کا نام :- کِتھے تیری ثناء