کردیاں مست فضاواں طیبہ پاک دیاں
ٹھنڈیاں ٹھار ہواواں طیبہ پاک دیاں
طیبہ وچوں ملدا خیر ہے ہر اک نوں
خیراں سدا مناواں طیبہ پاک دیاں
ودھ جنت توں ہین مناظر طیبہ دے
درد مکاون چھاواں طیبہ پاک دیاں
جھولی جا کے کدھرے ہور وچھاوے ناں
تکیاں جیس عطاواں طیبہ پاک دیاں
رحمت والے پیر جدوں آ پایا سی
ہویاں دُور بلاواں طیبہ پاک دیاں
دل قابو وچ صائم میرا رہندا نئیں
گلاں جدول سناواں طیبہ پاک دیاں
شاعر کا نام :- علامہ صائم چشتی
کتاب کا نام :- کلیات صائم چشتی