کرو رحمتاں ہُن عطا یا نبی
کھڑے ہین در تے گدا یا نبی
سہارا ناں عاجز گنہگار دا
کوئی تیرے در دے سوا یا نبی
نگاه کرم تھیں خطا کار نوں
شراب محبت پلا یا نبی
گنہگار ہاں پھر وی سر میرا
دوو رہن در تے پیا یا نبی
کرم صدقہ شبیر دا کر دیہو
غماں دی اے چھائی گھٹا یا نبی
کتے وی نہیں ہوناں علاج الم
تُسی جے ناں دتی دوا یا نبی
تیری نعت پڑھدا ایہہ صائم ترا
تیرے بوہے تک آگیا یا نبی
شاعر کا نام :- علامہ صائم چشتی
کتاب کا نام :- کلیات صائم چشتی