مقصودِ زندگی ہے اِطاعت رسوؐل کی

مقصودِ زندگی ہے اِطاعت رسوؐل کی

معراج ِ بندگی ہے محبت رسوؐل کی

---

کو تاہئ عمل کا مُجھے خاص غم نہیں

کافی ہے میرے واسطے نسبت رسوؐل کی

---

اُن کے کرم کی شان کِسی میں کہیں نہیں

مُجرم کو ڈھونڈتی ہے شفاعت رسوؐل کی

---

ہر آڑے وقت رحمت عالم کو یاد کر

تجھ سے بہت قریب ہے رحمت رسوؐل کی

---

ایمان و آگہی جِسے کہتا ہے یہ جہاں

اُلفت رسول کی ہے وہ اُلفت رسوؐل کی

---

ارشادِ مَنْ رَاٰنِی سے ثابت ہو ا یہ راز

دیدار ہے خدا کا زیارت رسوؐل کی

---

مُختارِ کائنات کوئی اَور تو نہیں

دُنیا رسول کی ہے تو جنت رسوؐل کی

---

سر پر رکھے وہ تاجِ شفاعت جب آئیں گے

دیکھیں گے شان روزِ قیامت رسؐول کی

---

خالِدؔ جو مَوت آئے تو آئے کچھ اس طرح

پیشِ نظر رہے مِرے صورت رسوؐل کی