پڑھو درود بہارو حضور آئے نے
جمال بزم نکھارو حضور آئے نے
درود و نعت دے نغمات چھیڑ کے رکھنا
دِلاں دی نذر گزارد حضور آئے نے
وچھاؤ پلکاں تے اتھرو وی نال چھڑکاؤ
گلاب راه چ کھلارو حضور آئے نے
ہوا سُنیہاں لیائی اے اج شفاواں دا
دلاں دے زخم سنوارو حضور آئے نے
قریب آون ناں دیناں غماں تے فکراں نوں
ناں کجھ وی سوچو وچارو حضور آئے نے
اتار سکو تے صدقہ حضور دا صائم
ایہہ جان دے کے اُتارو حضور آئے نے
شاعر کا نام :- علامہ صائم چشتی
کتاب کا نام :- کلیات صائم چشتی