سرکارؐ! اساں مسیکناں دی کیوں دُور مُصیبت نہیں ہوندی
کیہ ایڈ قصُور اساڈا اے کیوں ساڈے تے رحمت نہیں ہوندی
ہے اوکھا وقت غلاماں تے پونہچو کیوں ڈِھلاں لائیاں جے
کیہ شفقت دے وِچ دیراں نیں کیوں جلدی شفقت نہیں ہوندی
گل حق دی اے نہیں اوہناں نوں کُجھ حق انسان اکھوانے دا
انسانیت دے محسن دی جنہاں نوں محبّت نہیں ہندی
اوہنوں ربّ دے نال رلائیے تے ایمانوں خارج ہوجائیے
اوہنوں وکھرا ربّ توں جانیے تے مقبُول عبادت نہیں ہوندی
کس ویلے اَگےّ اکھّیاں دے اوہ مُکھڑا تائبؔ نہیں رہندا
کِس ویلے وچ تصّور دے قرآں دی تلاوت نہیں ہوندی
شاعر کا نام :- حفیظ تائب
کتاب کا نام :- کلیاتِ حفیظ تائب