شہنشاہ عالم رسول مکرم محمد حبيب خُدا الله الله
خُدائی دا مالک خُدا دا پیارا شہنشاہِ ارض و سما الله الله
اوہ مالک تے مُختار مُلک خُدا دا تے سردار سب انبیاء اولیاء دا
خدا اوہنوں طہ تے یسین آکھے ہے کیا رتبہ مصطفیٰ اللہ اللہ
اوہ انگلاں چوں رحمت دے چشمے چلاوے پیا دُشمناں نوں دُعاواں سُناوے
اوہ توڑے قمر نوں تے جوڑے دلاں نوں ایہہ کنی ایں سوہنی ادا اللہ اللہ
ہے ارض و سماوات تے راج اُسدا انوکھا ہے اسرار معراج اُسدا
خُدا نے بلایا تے جلوہ دکھایا تے ملیا مقام دنیٰ الله الله
اوہ آئے تے دُنیا تے آئیاں بہاراں تے چڑھیاں نے دھرتی نوں خوشیاں ہزاراں
ہے ملیا جہاناں دا سلطان تینوں مقدر تیرے آمنہ الله الله
جدوں صائم آقاسی دُنیا تے آئے تے جھنڈے سی جبریل کعبے تے لائے
خُوشی کیتی میلاد دی آپ رب نے تے حوراں نوں چڑھیا اے چاء اللہ اللہ
شاعر کا نام :- علامہ صائم چشتی
کتاب کا نام :- کلیات صائم چشتی