سوہنی صورت پاک نبیؐ دی
نوری سیرت پاک نبیؐ دی
نویں نروئی، کامل، کافی
سدا نبوت پاک نبیؐ دی
ہر عالم تے چھائی ہوئی
بھرویں رحمت پاک نبیؐ دی
ہر بھلیائی دی اے ضامن
سچی الفت پاک نبی ؐ دی
جس بخشا نایں عاصیاں تائیں
اوہ اے شفاعت پاک نبیؐ دی
اوہدے ناں تے جان لٹایاں
لبھے سنگت پاک نبیؐ دی
خواب اچ تن من روشن ہوون
کراں زیارت پاک نبی ؐ دی
میں وی رب دا پیارا ہوواں
کراں اطاعت پاک نبیؐ دی
بخش الٰہی تائب تائیں
ہو ر محبت پاک نبیؐ دی
شاعر کا نام :- حفیظ تائب
کتاب کا نام :- کلیاتِ حفیظ تائب