سوہنا سائیں ، سوہنا ہادی
جنّاں انساناں دا ہادی
دو جگ دی کُل تار گیا اے
ساڈا اُچا سچا ہادی
اوہدیاں خبراں دیندا آیا
آیا جیہڑا جیہڑا ہادی
نور لیاون والا مرسل ؐ
رحمت ونڈن والا ہادی
نواں نظام انسان نوں دے کے
عالم نواں وکھیایا یادی
بخش گیا منشور اسانوں
حج دا خطبہ دیندا ہادی
رب نے نعمت پوری کیتی
قدراں نوں چمکایا ہادی
اوہدے ہتھ ویلے دیاں واگاں
فاصلیاں دا لاڑا ہادی
حشر دہاڑ شفاعت کرسی
سچے رب دا پیارا ہادی
تائب مکدی گل مکائے
کوئی نہیں اوہدے ورگا ہادی
شاعر کا نام :- حفیظ تائب
کتاب کا نام :- کلیاتِ حفیظ تائب