تری بے کراں ذات انوار سے پُر

تری بے کراں ذات انوار سے پُر

اُدھر لاکھ جلوے اِدھر اک تحیُّر


حقیقت میں تُو کیا ہے اللہ جانے

تُجھے ہم جو سمجھے ہمارا تصوّر


ازل سے یہاں خس بہ دنداں تعقّل

ابد تک ہے سر در گریباں تفکرّ


تری جستجُو میں خرد پا شکستہ

تیری راہ میں سر بریدہ تصّور


بشر پر ترے حُسنِ سیرت کا احساں

تواضع، تحمّل، تفہُّم، تدبّر


بُتوں سے خُدا کی طرف باگ موڑی

دیا ذہن اِنساں کو تُو نے تغیُّر


ترے فقر کے روبرو سر فگندہ

سلاطیں کی نخوت، شہوں کا تکبّر


تری ذاتِ اشرف، تری ذاتِ اقدس

بشر کا تحمّل، خُدا کا تفاخر


مِری نعت گوئی میں تیرا عطیّہ

یہ حُسنِ بیاں، یہ جمالِ تاثّر

شاعر کا نام :- عاصی کرنالی

کتاب کا نام :- حرف شیریں

دیگر کلام

انوار دی بارش ہندی اے درداں دی دوا ہو جاندی اے

نور حق آپؐ میں کتنا گُم ہے

لب پہ جاری نبیؐ کی ثنا چاہیے

سرِ ساحل نظر آتے ہیں سفینے کتنے

خدا نے مصطفےٰؐ کا عشق میرے نام لکھ دیا

ہاں اگر تجھ کو حیاتِ جاودانی چاہئے

خدا والے ہی جانیں ذاتِ محبوبِؐ خدا کیا ہے

حبیبِ رب العُلیٰ محمدؐ

کہتا ہے کون آپ ہمارے قریں نہیں

زندگی محوِ ثنائے مصطفؐےٰ ہونے لگی