ٹرپئے نے مسافر طیبہ دے ویکھن روضنے دیاں شاناں نوں
ربا خیریں خیریں لے جاویں نبی پاک دیاں مہماناں نوں
اس در دی عظمت کی دساں اوتھے ہیچ خزانے دو جگ دے
اساں رو کے منگدایاں ویکھیا اے اوہدے دراتے سلطاناں نوں
ایہ کرم ہے کملی والے دا تسیں شہر مدینے ٹرپٹے او
ہر ویلے رکھنا یاد تسیں اوہدے لطف کرم احساناں نوں
سوہنے دیو سوہنیوں مہمانوں دکھیاں دا سلام وی کہہ دیناں
ساڈے لئی ایہو کافی اے کی کرنا طول بیاناں نوں
اوہ ہس ہس چمدے داراں نوں پورا کر دے قول قراراں نوں
اک یار دا جلوہ ویکھن لئی کر دے نے پیش اوہ جاناں نوں
الفت دے وگدے شوہ اندر مل پا دیندے منجدھاراں دا
جیہڑے ٹھلدے یار داناں لے کے کی جانن اوہ طوفاناں نوں
توں یار نیازی کی لیناں دنیا دے جھیڑے جھگڑیاں چوں
سوہنے دیاں نعتاں پڑھدا رو رب قائم رکھے ایماناں نوں
شاعر کا نام :- عبدالستار نیازی
کتاب کا نام :- کلیات نیازی