واہ واہ سوہنے دیاں لج پالیاں
سر تے جو آئیاں بلاواں ٹالیاں
گوریاں ہوون تے بھاویں کالیاں
جاندیاں در تے نصیباں والیاں
رشک اوندا اے اوہناں دے بخت تے
جہناں نے اکھیاں ترے سنگ لا لیاں
کون کر سکدا اے ریساں اوہدیاں
چم لیاں روضے دیاں جس جالیاں
اوتھوں آئی اللہ اللہ دی صدا
عشق نے جتھے وی اگاں بالیاں
صدقہ محبوب خدا دی نعت دا
میرے گھر وچہ ہو گئیاں خوشحالیاں
سبز گنبد دا اے سارا فیض اے
دسدیاں جگ وچ نے جو ہریالیاں
جیہڑے وک جاندے نبی دے نام توں
اوہدیاں کردا خدا رکھوالیاں
معافیاں لے دے میں اوگنہار نوں
تیریاں رب نے کدے نہیں ٹالیاں
سارا جگ کردا نیازتی نوں ہے پیار
جئیاں لج پالاں پریتاں پالیاں
شاعر کا نام :- عبدالستار نیازی
کتاب کا نام :- کلیات نیازی