یک بیک چین مِلا اور طبیعت ٹھہری
رُوحِ حسّانؓ سے سُنتے ہی یہ باتیں معقول
دل سے بیساختہ جمُلے یہ ادا ہونے لگے
مرحبا، صلِّ علیٰ اے مِرے ذِی جاہ رسوؐل
تیرے قربان، تری یاد کے لمحوں پہ نثار
میرا سرمایۂ ہستی ہے ترے پاؤں کی دُھول
نہ رَوم از درِ پاکت بہ درِ کج کُلہاں
بہ گدائیِّ درِ خویش کُن اے شاہؐ! قبول
تُو کجا و منِ آوارہ و ناکارہ کجا
تو وصد دیدہ بہ رُویت، منم و کُنجِِ خَمول
شادم از سلسلۂ لُطفِ تو پیہم، شاہا!
نہ شوم از سرِ زُلف بہ علائق مشغول
ہمہ را ساختہ سیراب محیطِ کرمت
چہ جوانانِ قشنگ و چہ بزرگانِ کَہُول
ابنِ آدم ز تو آئینِ شرافت آموخت
ورنہ اُمّیدِ مَوالات ازیں مردِ جَہول؟
مِری ہستی، مِری مستی، مِرا ایماں، مِرا ذوق
ہے یہ سب کچھ ترے انعام و کرم پر محمول
تا قیامت تری چوکھٹ سے نہ اُٹھّوں آقاؐ!
اِس توقّف سے جو لے کام مِری عُمرِ عَجول
نہ مجھے تاج و نگیں سے، نہ سلاطیں سے غرض
ہے مِرا تیرے غلاموں کی غلامی، معمول
عبد و معبُود کے مابین وسیلہ تُو ہے
اِس سے ہٹ کر نہ عبادت، نہ ثقاہت مقبول
میرے نزدیک یہی توشۂ عقبیٰ ہے نصیرؔ!
حُبِّ اصحابِؓ نبی ؐ، اُلفتِ اولادِؓ بتولؓ
شاعر کا نام :- سید نصیرالدیں نصیر
کتاب کا نام :- دیں ہمہ اوست