عشق کی انتہا سیدہ فاطمہ بنت خیر الوریٰ
زاہدہ ، عابدہ ، صابرہ ، ساجدہ بنت خیر الوریٰ
شان اہل سخا ، جان خیر الوریٰ ، آن مشکل کشا
تجھے پہ قربان مریم فدا آسیہ بنت خیر الوریٰ
تیرا بابا نبی اور شوہر ولی نام جن کا علی
الله الله ترا مرتبہ سلسلہ بنت خیر الوریٰ
در پہ جو بھی گیا اس کا دامن بھرا گھر میں فاقہ رہا
مرحبا مرحبا تیرا جو دو سخا بنت خیر الوریٰ
جس کا گھر لٹ گیا وہ ترا لاڈلا نہ جھکا نہ بکا
کہ دیا حق ادا یوں تیرے دودھ کا بنت خیر الوریٰ
تیری عظمت جدا تیری رفعت ولا گھر ہے نور علیٰ
ہو زباں سے بیاں تیری کیسے ثنا بنت خیر الوریٰ
آیہ تطہیر ہے تیرے سر کی ردا ہے عطائے خدا
تجھ سے قائم ہے دنیا میں حسن حیا بنت خیر الوریٰ
سید کربلا کا تجھے واسطہ سیدہ فاطمہ
بھر دے دامن مرا ہوں میں تیرا گدا بنت خیر الوریٰ
تیرے در سے سدا سب کا دامن بھرا اک نیازی ہی کیا
مانگیں در سے ترے اولیاء اصفیا بنت خیر الوریٰ
شاعر کا نام :- عبدالستار نیازی
کتاب کا نام :- کلیات نیازی