دو عالم کا تو ہی مسیحا ہے واللہ

دو عالم کا تو ہی مسیحا ہے واللہ

تو ہی سب کا ماویٰ و ملجا ہے واللہ

---

جو جسمِ مبارک سے مٹی لگی ہے

وہ عرشِ بریں سے بھی اعلیٰ ہے واللہ

---

نبی اللہ حی یرزق سے ثابت

تو زندہ ہے واللہ تو زندہ ہے واللہ

---

جمالِ حبیب خدا کی بدولت

زمیں سے فلک تک اُجالا ہے واللہ

---

ہماری مصیبت یکایک ٹلی ہے

تمہیں جب کہ ہم نے پکارا ہے واللہ

---

حسیں گنبدِ خضریٰ کیا ہے اے احمدؔ؟

یہ عرشِ بریں کا عمامہ ہے واللہ