کالی کملی دی رکھ کے نشانی میں راہ دیکھاں مدنی دا
مینوں آکھن لوک دیوانی میں راہ دیکھاں مدنی دا
اتھرو میرے رہندے چلدے جلدے بلدے
ہجر جدائی سینہ سلدے غم نہیں ٹھلدے
مُک چلیا اکھاں چوں پانی میں راہ ویکھاں مدنی دا
میں روواں تے لوکی ہسدے سینہ ڈسدے
زخم ہجر دے رہندے رسدے دل وچہ دھسدے
پئی تڑفے جند نمانی میں راہ ویکھاں مدنی دا
مینوں لوکو ناں درکارو ناں پھٹکارو
ناں ہر ویلے طعنے مارو ناں درکارو
بن دید نہیں مُکنی ویرانی میں راہ ویکھاں مدنی دا
جد سجناں نے پھیرا پایا کرم کمایا
سُکھ ملنا ایں دُون سوایا جد گل لایا
سب گل صائم بن جانی میں راہ ویکھاں مدنی دا
شاعر کا نام :- علامہ صائم چشتی
کتاب کا نام :- کلیات صائم چشتی