اَکھ روندی اے جد آوا دے دربار دے چیتے آوندے نے
کُجھ ہوش نئیں رہندی جد مینوں سرکار دے چیتے آؤندے نے
کوئی کچا ڈھارا سوں رب دی مینوں جس ویلے وی دِسدا اے
مینوں اُس دم اماں سعدیہ دے گھر بار دے چیتے آؤندے نے
بھانویں غار ہووے بھانویں عرش ہووے بھاویں ہووے منظر مدفن دا
سوں رب دی میری سرکاراں نوں گنہگار دے چیتے آؤندے نے
جد غارِ ثور دی گل ہووے اُس ویلے ہر اِ ک عاشق نوں
جہنے ڈنگ تے ڈنگ پئے کھادے سی اُس یار دے چیتے آؤندے نے
جد کوئی بچہ وی اے یاروں کنڈیاں تے بیٹھا تکناں واں
نانے دے حسین جئے من موہنے اَسواردے چیتے آؤندے نے
جد وچ نماز دے تشہد نوں میں یار پھرول کے پڑھنا واں
جو عرش تے ہوئی سی بس او سے گفتار دے چیتے آؤندے نے
مینوں حاکم جد وی جنت دے کوئی قصے یار سناؤ ندا اے
مینوں اُس دم شہر مدینے دے بازار دے چیتے آؤندے نے
شاعر کا نام :- احمد علی حاکم
کتاب کا نام :- کلامِ حاکم