اللہ دے کرم سیتی ملیا اے نبی سوہناں
اوہ کریم کریماں دا سخیاں دا سخی سوہناں
الله دی سونہہ مک جاسن سب روگ حیاتی دے
اک وار جے لنگھ جاوے کدی ساڈی گلی سوہناں
میں نام لواں کہدا میں بات کراں کہدی
حیدر دے گھرانے دا لوکو جی جی سوہناں
جنہوں یار قبول کرے اوہ کوہجا وہی سوہنا ایں
جیہڑا یار نوں نئیں بھاؤندا اوہ سوہنا وی کی سوہناں
مہمان مدینے دے پئے جان مدینے نوں
کول اپنے بلاوے گا سانوں وی کدی سوہناں
اللہ دے خزانیاں نوں ونڈدا اے نبی سوہنا
کوئی منگے تے سئی جاکے نہیں چھڈدا کمی سوہناں
تکیا اے نیازی میں اس در جیہا در کوئی نئیں
اس در دا جو منگتا اے مینوں لگدا اوہ وی سوہناں
شاعر کا نام :- عبدالستار نیازی
کتاب کا نام :- کلیات نیازی