محمد مصطفے صل علیٰ خیرالانام آیا
امامان دا رسول آیا ، رسُولاں دا امام آیا
جاں آئے والدہ دی گود وچہ سرکار دو عالم
جناب آمنہ تائیں خُدا ولوں سلام آیا
لباں اک دوسری دے نال جُڑ گئیاں محبت تھیں
زباں تے جد محمد مصطفی دا پیارا نام آیا
امانت آمنہ دی جد حلیمہ گود وچ چائی
سی جبرائیل وی بن کے حلیمہ دا غلام آیا
ولادت ہندیاں نُورِ محمد نے چمک ماری
نظر حُجرے چوں مائی آمنہ نوں مُلک شام آیا
جو نور پاک ہر اک چیز توں پہلاں بنایا سی
خدا ولون خُدا دا آخری بن کے پیام آیا
ہے آمد ساقی کوثر دی اس محفل دے وچ صائم
ایہہ تائیوں تے ہے سب مستاں دا وچ گردش دے جام آیا
شاعر کا نام :- علامہ صائم چشتی
کتاب کا نام :- کلیات صائم چشتی