سیّاحِ عرش ، نقشِ کفِ پائے مُصطفؐےٰ
کون و مکاں سفینہ دریائے مُصطفؐےٰ
اِک بوریا نشین نے بانٹی حکومتیں
سَیراب کر گیا ہمیں صحرائے مُصطفؐےٰ
پَلتے ہیں آفتاب ، محمّد ؐ کے سائے میں
ہوتا ہے ذی شعور کو سودائے مُصطفؐےٰ
جلتے رہیں گے میرے لہُو کے چراغ بھی
مَیں بھی ہُوں اِک شہیدِ تمنّائے مُصطفؐےٰ
رنگینیوں کی زندگی کا لالچ نہ دے مُجھے
میں ہوں ہر ایک رنگ میں جو یائے مُصطفؐےٰ
اُن کا کرم نہ ہو تو مَیں اِک پل نہ جی سکوں
چلتی ہے میری سانس بہ ایمائے مُصطفؐےٰ
مِرّیخ و ماہتاب ہیں دُنیا کی منزلیں
میرا عروج ، گنبدِ خضر ائے مُصطفؐےٰ
شاعر کا نام :- مظفر وارثی
کتاب کا نام :- بابِ حرم