محفل نعت جو سجاتے ہیں
وہ مرادیں دلوں کی پاتے ہیں
بھیجتے ہیں درود جو اُن پر
اُن کے خوابوں میں آپ آتے ہیں
گر پڑیں جو نبی کی چوکھٹ پر
اُن کو سرکار خود اٹھاتے ہیں
کاش طیبہ سے پھر پیام آئے
چل تجھے مصطفیٰ بلاتے ہیں
جب مدینے کی یاد آتی ہے
غم زمانے کے بھول جاتے ہیں
لو لگائے نبی کی یادوں سے
جس کو دنیا کے غم ستاتے ہیں
یاد ان کو کرو نیازی تم
سوئی قسمت نبی جگاتے ہیں
شاعر کا نام :- عبدالستار نیازی
کتاب کا نام :- کلیات نیازی