مونہوں بولے تے بن دے سپارے پئے میرے آقا دی گفتار ویکھو ذرا
دشمناں نے وی تعریف کیتی جدی کملی والے دا کردار ویکھو ذرا
مست اکھیاں تو وارے ستارے پیا۔ چن انگلی دے من دا اشارے پیا
مسکرائے تے چانن کھلا رے پیا۔ اہدے مکھڑے دے انوار ویکھو ذرا
اوس دا تے نہ ہووے گا ثانی کوئی۔ عرشاں اُتے ہوئی میزبانی جدھی
تا قیامت کرے حکمرانی نبی۔ دو جہاناں دا سردار ویکھو ذرا
بے زباناں نوں کلمے پڑھائے جنہے۔ اچے سر نیویاں دے کرائے جنہے
گورے کالے برابر بٹھائے جنہے۔ شاہِ بطحا دا دربار ویکھو ذرا
ایتھے سوچاں نوں وی سوچنا پے گیا۔ نہ کسے نوں رسائی دا ملیا سِرا
بہہ کے سدرہ تے جبریل آکھے پیا۔ میرے آقا دی رفتار ویکھو ذرا
ویخ لو پھر کے سب دنیا پوری کدی۔ دل دی حسرت نہ ہووے گی پوری کدی
چنگی قسمت جو ہووے ظہوریؔ کدی سبز گنبد دے مینار ویکھو ذرا
شاعر کا نام :- محمد علی ظہوری
کتاب کا نام :- کِتھے تیری ثناء