اللہ اللہ اللہ ھو لا الہ الا ھو
صلی اللہ علیہ وسلم نبیاں دے سلطان
شب اسریٰ دی بن کے چلے خالق دے مہمان
مُحمد خالق دے مہمان اللہ اللہ اللہ ھو لا الہ الا ھو
اقصیٰ دے وچ پہنچیا جس دم عرش دا شاہ اسوار
دین سلامی شاہ دی جُھک گئے اقصیٰ دے مینار
جُھک گئے اقصیٰ دے مینار اللہ اللہ اللہ ھو لا الہ الا ھو
بن کے صفاں کھلوتے ہیسن اَگے نبی تمام
نبی کھلوتے پچھے سارے بنے حضور امام
محمد پیارے بنے امام اللہ اللہ اللہ ھو لا الہ الا ھو
فلکاں اُتے پہنچے جس دم دو جگ دے مُختار
راہواں دے وچ تارے وچھ گئے چن ہو وے بلہار
نبی توں چن ہووے بلہار اللہ اللہ اللہ ھو لا الہ الا ھو
جس جس راہوں لنگھدا جاوے آمنہ دا دلدار
حُوراں آ کے پیراں تھلے زُلفاں دین کھلار
ادب تھیں زُلفاں دین کھلار اللہ اللہ اللہ ھو لا الہ الا ھو
جوڑے ہتھ جبریل ہوراں نے جا سدرہ دے کول
رَف رَف تے چڑھ اَگے چلیا کلا مدنی ڈھول
محمد سوہنا مدنی ڈھول اللہ اللہ اللہ ھو لا الہ الا ھو
رَف رَف وی حد اپنی اُتے بیٹھا سی ہتھ جوڑ
کُل مکاناں والا پہنچیا لامکانیں توڑ
محمد لامکانیں توڑ اللہ اللہ اللہ ھو لا الہ الا ھو
قوساں ملیاں اَو ادنیٰ توں ہو گئے ہور قریب
رب نُوں جا ملیا سی صائم رب دا پاک حبیب
محمد رب دا پاک حبیب اللہ اللہ اللہ ھو لا الہ الا ھو
شاعر کا نام :- علامہ صائم چشتی
کتاب کا نام :- کلیات صائم چشتی