شاہِ دو عالم سُں لیجئے میری نوا میری فریاد

شاہِ دو عالم سُں لیجئے میری نوا میری فریاد

ہادئ اعظم سُن لیجئے رہتا ہوں میں ہر دم ناشاد

---

مجھ کو ہے طیبہ کا ارماں رہتا ہوں میں دن رات تپاں

میرے مکرم سُن لیجئے زندگی ہے میری برباد

---

کوئی نہیں میرا غمخوار کر دیا غم نے زار و نزار

نوح کے ہمدم سُں لیجئے رہتی ہے دل کو آپ کی یاد

---

آپ ہیں رحمتِ ہر عالم کس سے کہوں میں جا کر غم

لطفِ مجسّم سُں لیجئے آنکھ ہے غمگیں دل ناشاد

---

آپ ہیں داتا میں ہوں گدا پھیلا ہوا ہے ہاتھ مرا

قائم و دائم سُن لیجئے دیجئے مجھ کو میری مُراد

---

میری نوائے نیم شبی میرا بیانِ دردِ ولی

حق کے محرم سُن لیجئے اور مجھے کیجئے دل شاد

---

اور ہے حاصل ہر نعمت صرف ہے طیبہ کی حسرت

رحمتِ عالم سُن لیجئے تڑپے بھلا کب تک بہزؔاد