سوہنیا ، سیدا ، عربیا ، ڈھولیا بخش دے جے کوئی بول میں بولیا

سوہنیا ، سیدا ، عربیا ، ڈھولیا بخش دے جے کوئی بول میں بولیا

آجا والیل زُلفاں دے وَل کھولدا بوہا اکھیاں دا مُدت توں ہے کھولیا

---

میرے محبوب کمزور و معذور ہاں، تیرا مُجرم تے ہاں پر میں مجبور ہاں

آقا من دا ہاں ہر ہر قدم اُتے میں ، لرزیا ، کمبیا ، تھڑکیا ، ڈولیا

---

کیوں ناں آکھاں شہا تینوں حاجت روا، کیوں ناں مناں میں مالک تے مشکل کُشا

تیرے صدقے تے تیرے وسیلے لیا ، رب عالم توں آقا میں جو جو لیا

---

میرے آقا توں عالم دا مختار ہیں، ہر مصیبت دے مارے دا غم خوار ایں

تاہیوں لے کے ایہہ فتویٰ میں قرآن توں، تیرے اگے ہمیشہ اے دُکھ پھولیا

---

توں خُدا دا خُدائی اے تیری شہا ،ہتھ تیرے ہے بس لاج میری شہا

تیرے ورگا نئیں دسیا زمانے دے وچ، ویکھیا ، سمجھیا ، بھالیا ، ٹولیا

---

اپنے رُلنے دی دساں کی گل بات میں ، اپنے ہنجواں دی دسان کی برسات میں

ہجر تیرے نے صائم نوں دُنیا دے وچ، جس طراں رولیا اُس طراں رولیا