اُن کے در کے فیض سے سرشار ہونا تھا، ہوئے

اُن کے در کے فیض سے سرشار ہونا تھا، ہوئے

عمر بھر کے خواب سے بیدار ہونا تھا، ہوئے

---

اُن کی گلیاں اور کوچے دیکھنے کی تھی طلب

شہرِ انور میں سرِ بازار ہونا تھا، ہوئے

---

اللہ اللہ یہ کرم اُن کا کہ اُن کے گھر گئے

اور زیرِ سایہء دیوار ہونا تھا، ہوئے

---

ہم سیہ رو منہ دکھانے کے نہ قابل تھے، مگر

اُن کے در سے صاحبِ دستار ہونا تھا، ہوئے

---

مرضیِ سرکار تھی، کیسے نہ ہوتا ایک دن

ہاشمی صاحب کو میرا یار ہونا تھا، ہوئے