جاری اے قیامت دے سمے تک جہدا فیضان
قرآن دا جامع سی اوہ عثمان بن عفان
زر جسدا مسلماناں دے کم آیا ہمیشہ
اوہ نیکی ای نیکی سی اوہ احسان ای احسان
شرمائے فرشتے وی جہدی شرم حیا توں
ہو گزریا اے جگ توں اجیہا وی اِک انسان
اِسلام دی تاریخ دا اوہ پہلا مہاجر
رضوان دی بیعت دا سبب ہویا جو عثمان
ہووے نہ مُسلماناں دے وچ خُون خرابہ
ایہہ سوچ کےجان اپنی نوں اُس کیتا سی قربان
شاعر کا نام :- حفیظ تائب
کتاب کا نام :- اَصحاَبِی کَاالنُّجُوم