مِری ہستی کی زینت آپؐ کا غم ہو تو کیا کہنا
یہی مرہم مرے زخموں کا مرہم ہو تو کیا کہنا
جہانِ رنگ و بو کے ہیں نِظارے کیف زا لیکن
نظر میں حُسنِ سرکارِ دو عالم ہو تو کیا کہنا
نگاہیں گنبد خضرا پہ ہوں اور دم نِکل جائے
دَمِ آخر اگر میرا یہ عَالم ہو تو کیا کہنا
فقیر بے نوا ہیں ہم کرم کی بھیک مانگیں گے
درِ محبوب حق سے ربط محکم ہو تو کیا کہنا
مِرا ذوق پر ستش تِشنگی محسوس کرتا ہے
دَرِ سرکار پر میری جبیں خم ہو تو کیا کہتا
سَہارا بن کے خود موجیں مجھے پہنچائیں ساحِل تک
اگر نامِ نبی کا وِرد پیہم ہو تو کیا کہنا
یہی ہے دَولت کونین بخشش کی ضمانت بھی
غمِ عشقِ نبیؐ میں آنکھ پر نم ہو تو کیا کہنا
نبیؐ کا آستاں ہو اور جبین شوق ہو خالِد ؔ
ہر اک سجدے میں اِک معراج پیہم ہو تو کیا کہنا
شاعر کا نام :- خالد محمود خالد
کتاب کا نام :- قدم قدم سجدے